gudanar da abubuwanta dan takanji zata iya gogawa da ko wacce irin mace a fad'in duniyar nan duk da cewar iliminta bema kai na Fateema ba amma yadda zata gudanar da wani abun sai mutum ya rantse ko tana kanyin master's ne.

*****
Kwance take a jikinsa tana kuka domin ba k'aramin rashinsa tayi ba wata biyu ba wasa bane a gurin miji da mata musamman idan basu tare. Gashinta yake shafawa yana kuma rik'e da hannunta yana matsawa Sadeeq yace.

"Baby dan Allah kiyi shiru kinga dai ba zuwa nake garin can ina yawo in dawo ba, kinsan abinda nakeyi kinfi kowa sani tun kafin kowa ya sani hatta Abba kin fishi sanin me nake zuwa inyi dan haka bana son kukan nan please yana sani cikin shakku da kokwanto."

"Toh baby amma dai ka dena dad'ewa dan Allah. Ko kuma ka tattaro ka dawo nan kano shikenan kana tare damu koda yaushe."

"No... Fateema bana son zaman garin nan ga sa'ido sai dai ke idan kin yadda ki ajiye aikin ki idan zan tafi sai na tafi dake na ajiyeki a can kinga na huta kina can bani da fargaba ita kuma Aisha tana nan kun hutar dani ma."

"Nayi shiru baby nigara ku dinga tafiya da ita can babu kowa d'an uwa dangi duk babu sai sababbin da zaka yi na hakura zan dinga jiranka har lokacin da zaka dawo."

"Ummm kaji me wayo, wato ke k'ink'i bina sabida aikin ki. Amma ni kina son na dawo nan da zama shi kenan kullum a ce mijinku yana guri d'aya baya zuwa konan da can toh na gano ki kuma nak'i wayon."

Ya fad'a yana mata cakulkuli a cikinta suna ta dariya dan baya son yaji ta sako mai zancen rashin haihuwarta sabida shi be ta6ajin haushin hakan ba ko yaji sonta ya ragu a'a kullum yana jin sonta musamman da take mai biyayya da nuna soyayya.

Haka Sadeeq ya cigaba da rayuwa da matansa cikin kwanciyar hankali duk da wani sa'in yakan fuskanci matsala ta kowane 6angare amma yakan warware ta cikin hikima ta yadda ya san halin kowacce a cikin su. 'Daukar su yayi su duka sukaje aka yi musu hoto ya bud'a su ko wane gida yasa d'aya guda d'aya babu kuma wadda ta nuna mai bata so.

****
"Hello, Rasheedat. Okey ai zan shigo nan da 11:00 tuna sai 11:30 ko.? Okay sai na shigo."

Kwance yake akan kujera INdo na k'ok'arin zuba masa fruits salad duk tana jin abinda yake fad'a ranta yayi mugun 6aci zuciyar ta na zafi kishi ya turniketa sai faman had'e gira takeyi. Tashi tayi jikinta har rawa yake yi taje takai mai fruit salad d'in ya d'ago ya kalleta ganin yanayinta yasa shi riko hannunta ta fizge ya kuma rikowa ta kuma k'ok'arin fizgewa ya janyo ta kusa dashi ta zauna kirjinta sai dokawa yake yi Sadeeq yace.

"Toh yau kuma me Sadeeq sarkin 'yan masu laifi yayiwa cutien sa cikin 'yan sakanni.?!"

"Ba komai kyale ni zan shiga d'aki."

"Toh ki fara bani na gama sha sai kije kiyi aikin ki."

INdo ta kuma yin kicin-kicin a kufule tace.

"Ka kira Rasheedat ta baka mana amma ba ni ba."

"Rasheedat kuma cutie? Kin santa ne ko kuma dan kinji muna waya ne zuciyar ki ta fara halin nata."

Turo baki tayi tana harare-hararen gefe ta kasa cewa komai, Sadeeq ya janyo ta jikinsa yasa hannu a tsakiyar k'irjinta yaji yadda yake bugawa cikin tashin hankali ya mik'e zauna dan da a kwance yake yana rik'e da ita.

"Subahanallahi cutie kishi ne haka? Rasheedat ba budurwata bace d'alibata ce yau zanyi musu lecture shine take tambaya na shin zanje nace eh su shirya shikenan fa."

Sadeeq yana jin sanda ta sauke wata muguwar ajiyar zuciya sannan ta kallesa ya sakar mata murmushi tace.

"Toh banda basu da kunya meye na bugo maka, su ba students bane baxasu jira har kaje ba zasu wani bugo maka waya. Ina monitor da bazai bugo ba sai ita tana mace banzar kawai."

"Ta6 cutie har ina cewa zan k'ara aure sai kema na barki anan ki cigaba da karatunki Fateema tayi aikinta ita kuma amaryar na barta acan kwara gidana na Ilorin kunga an huta da zirga-zirgar fitar ku."

Share sa tayi ta d'ibi fruit d'in a cokali ta sanya mai a baki, yana dariya ya kar6a har ta gama bashi sannan ya janyo ta k'irjinsa yace.

"Cutie I love you zan iya mutuwa a duk sanda kika juya min baya, ki kula damu dani da yaro na dama wad'anda zaki haifamin nan gaba please cutie."

Sumbatarsa tayi a goshi sannan ta kwantar da kanta a saman k'irjinsa tana shafar kansa tace.

"Nima ina sonka my super glue, your my Biggest comport..my breath... My heartbeat.. Kai my everything but ka dena min zancen zaka k'ara aure, a cikin shekara d'aya kayi mata biyu sannan kace kana shekara ta biyu zaka yi ta uku ai sai ka jamana surutu. Dan Allah ka barmu mu biyu ka dena tunanin wata idan ba haka ba zanyi kuka."

"Yi muga irin kukan da zaki yi idan zan k'ara au..."

Tayi saurin toshe mai baki da nata kafin ta cire ta kalli cikin idanunsa daya bud'e su a hankali duk sun zama na rigima tace.

"Haka zanyi uhm..uhm..uhm..ahhh..wayyoooo...!"

Suka kyalkyale da dariya Sadeeq ya rungumeta akan kujerar yanajin k'aunarta har cikin ransa. Sun dad'e suna faranta ran juna duk sun manta da rigimar su ta baya Sadeeq ya kawar da rayuwarta ta baya a cikin ransa yana ganin tamkar dama a hakanta ya santa. Watan Ayman takwas kenan har gidan Fateema ake kaisa ya d'an jima kafin a dawo dashi tana son yaron har cikin ranta domin tana masifar son mahaifinsa.

*****

K'arfe takwas ya shiga gida, zaune ya ganta tana gyarawa Ayman kwanciya a falo, dariya yayi har yana rik'e ciki ganin yau kuma da salon da za'a siyeshi can ta tsuke cikin riga da wando nan kuma tayi mai shigarta daya santa a real INdon ta zamanin tana kauyan sani.

"Kai malam Sadeeq he wani kallona kakeyi he kace baka sanni ba."

Wayyo dariya Sadeeq ya tsugunna agurin ya dinga yi dan gani yake tazo mai da wani sabon salon soyayya. Ta dashare mai baki tare da k'arasawa wajan sa tasa hannu ta rik'osa da nufin ya tashi aikuwa ya janyo ta itama ta fad'a kansa suka dinga dariya cikin shauk'i.

"Cutie I love you so much."

"I love you too Abu Ayman."

"Allah yajik'an M tiwwine yasa rahama ta baibayesa yasa yana cikin farin ciki kamar yadda muke a yanzu."

"Amin ya Allah."

Ta fad'a tana wasa da ma6ullayen rigarsa nan suka dinga hirar baya suna dariya. Shirye-shiryen bikin Haleematu suka farayi Sadeeq yayi k'ok'ari sosai dan da su biyu suke had'uwa suyi komai shi yayi kayan d'akin hawwa Abubakar kuma yayi na falo amma yanzu baya nan daga shi sai Abba suka dinga yin komai. Duk matan sa kuma sun zage anyi komai dasu cikin farin ciki dajin dad'i, suna nan kuma har yanzu a tare mijin su yana sansu iya gwargwado yana bawa kowacce hakkinta.

ALHAMDULILLAH.

Allah na gode maka daka nuna min farkon labarin nan da kuma k'arshensa, Allah kaine abin godiya kuma abin alfahari alhamdulillah. Allah kajik'an marigayi kasa aljanna ce makomarsa da aiyukan alkairinsa. Duk wad'anda suka rigamu gidan gaskiya a cikin musulmai Allah ka yafe musu mu kuma kasa mu cika da kyakkyawan aiki.

Dole na godewa masoya masu kaunar Hajja ce da kuma rubutunta, hakika wannan novel d'in ya sadani da mutane masu d'in bin yawa wad'anda baki baxai iya fad'ar yawansu ba, haka kuma hannu bazai iya k'ididdige yawanku ba sai dai nace Allah yabar soyayya da kauna tsakaninmu yasa sakon ciki ya amfanar daku. Nasan na 6atawa wasu rai toh dan Allah kuyi hakuri, nasan na farantawa wasu rai toh kuma kun faranta min, nasan na nishad'antar da wasu nima kun sani nishad'i kusani reader's kune jigon saka duk wata writer cikin farin ciki haka kuma kune kuke saka writer cikin damuwa domin idan bakwa karantawa bazataji dad'in yin rubutun ba duk kuwa dason yin rubutunta nidai na gode muku masoya na fili dana 6oye na kusa dana nesa bazan iya lissafoku ba domin hakan ya janyo min fitina harma wasu daga cikin wad'anda nake alfahari dasu suka gujeni sabida ban yi musu dedication ba amma still suma idan sun karanta karshen page dinnan suyi hakuri ni 'yar Adam ce me laifuka kala-kala a doran k'asa suyi hakuri but bazan manta dasu ba a cikin zuciya ta ba.

*K'ANWATA STYLISH.*:-Dake aka shirya za'ayi rubutun nan kika gudu kika barni, but ba komai nasan dama ke lazy writer ce (smile) nayi na gama kuma na gode miki da sake zakulo min muhimman abubuwan cikin labarin Allah ya barki da mijinki Lafiya keda k'anwarki Abler.

*MISS XOXO:-* Bazan iya kammala rubutu na ba ban sakoki ba koda kuwa wasu zasuji haushina, kin taka muhimmiyar rawa a cikin rubutuna ta yadda nake hanaki bacci nake hanaki jin dad'i har sai kin bada taki gudun mawar hakan kuma yasa labarin ya tafi cikin tsari da jin dad'in karanta shi, Allah yayi miki albarka ya nuna min lokacin auranki autarees Ina alfahari dake ked'in masoyayyar Hajja ce wanda babu algus.

Ina alfahari da duk me bin labarina grps d'in da nake ciki da wanda bana ciki Ina alfahari daku. 'Yan wattpad ina alfahari daku Ina sanku har cikin kalbina kud'in na daban ne. My co-writer's da suka bi labarin nan ku sani naji dad'i sosai duk da wasu na sansu wasu kuma ban sani ba amma sun karanta Ina fatan duk wacce taga gyara ko kuskure zata yi min domin Ina son hakan Allah ya k'ara baseera da kwarin ido. Olo my one &only Ina alfahari dake ked'in aminiya ce ta kwarai.Tare da aunty na Maijidda musa da yayata barrister Fateen Bch.

*HAJJA CE NOVELS GRP*❤👍😍

*HASKE WRITER'S:-* kungiya ta Ina alfahari daku Allah ya k'ara baseera ya k'ara had'e kawunan mu amin.









*HAJJA CE*👈







*HAJJA CE*👈